1ERA 2KAIN

1era2kain heziketa programa, emakumeen eta gizonen arteko parekidetasun-baloreak sustatzeko Basauriko Udalaren estrategiaren barruan kokatzen da: ikastetxeetan zenbait ekintza antolatzen dira (tailerrak egiten dituzte Derrigorrezko Bigarren Hezkuntzan, eta Basauriko Lanbide Prestakuntzako Ikastegian); horrekin batera, ikasgeletatik kanpoko prozesuak dinamizatzen dituzte, eta Basauriko gazteen artean "Beldur Barik" programa bultzatzen dute.

Programaren helburua zera da: gazteek identifikatu ditzatela egunero bizi dituzten portaerak eta jarrerak, hain zuzen ere, sexuen arteko desberdintasunari lotutakoak; parekidetasuna sustatzeko transmititu nahi diren baloreak barneratu ditzatela; sexismoaren izaera estrukturalari buruz duten kontzientzia kritikoa bultzatzea (gizartean eta euren inguruan oraindik ere presente dagoena); eta, finean, gazteoi lanabesak ematea, berdintasun-baloreetan oinarritutako garapen pertsonala izan dezaten.

 

Ezaugarriak

Prebentzio-izaera dauka, hau da: prebentzioan oinarritzen da, emakumeen eta gizonen arteko desoreka-egoerak arintzeko. Beste alde batetik, izaera integrala eta estrategikoa dauka: jarduera puntualak gainditzeko beharra aldarrikatzen du, eta, horren ordez, nerabeekin lan egitea proposatzen du, epe ertain eta luzera, zenbait praktika on ezartzen joateko. Azkenik, izaera sozio-hezitzailea ere badauka: eskola eremuko esku-hartzea, gizartearen parte-hartzea sustatzearekin uztartu nahi du, ikasleek, euren errealitatetik, "herritartasun” kontzeptuari buruz hausnartu dezaten. Horrez gain, ebaluazioa proiektuaren hasieratik bertatik egingo da, eta proiektua ezartzeko prozesu guztian zehar. Ebaluazioa, bestalde, egingo da sistematizaziorako proposamena formulatuta.

 

Jardute-eremuak:

1era2kain heziketa-proiektua, gizonen eta emakumeen arteko parekidetasuna lortzeko bereziki garrantzitsuak diren eremuetan dabil, besteak beste: erantzunkidetasuna, eta gizarte-antolakuntza erantzunkidea; sexu-heziketa; emakumeen aurkako indarkeria; maskulinitate eta feminitate eredu berriak eraikitzea; eta sexu-rol eta -estereotipoak gainditzea. Eremu horiek landuko dira bai ikasgeletan, baita ikasgeletatik kanpo esku hartzeko proposamen sozio-komunitarioen bidez ere.

HARREMANETARAKO: 94 612 41 03 Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.